Adolygiad amlygrwydd ar gyfer darlledu gwasanethau cyhoeddus

Diweddariad a gyhoeddwyd 4 Gorffennaf  2019

Argymhellion i'r Llywodraeth Brydeinig ar gyfer fframwaith newydd i gadw Teledu Gwasanaethau Cyhoeddus yn amlwg mewn byd ar-lein  

Yn ein hymgynghoriad yng Ngorffennaf 2018, fe wnaethon ni holi os oedd angen deddfwriaeth newydd ar gyfer darlledu gwasanaethau cyhoeddus (PBS) i barhau'n hawdd i'w ganfod wrth i wylwyr wylio cynnwys yn gynyddol ar-lein. Wedi derbyn safbwyntiau wrth ddarlledwyr a rhanddeiliaid eraill, rydyn ni nawr yn cyflwyno ein hargymhellion i'r Llywodraeth am fframwaith newydd fydd yn sicrhau bod cynnwys PSB yn hawdd i wylwyr i'w darganfod mewn byd ar-lein.

Datganiad am newidiadau i'r cod EPG 

Mae amlygrwydd sianelau traddodiadol, llinol PSB o fewn cyfeiriadau rhaglenni electronig (EPGs) wedi eu hamddiffyn gan reolau a gyflwynwyd yng Nghod EPG Ofcom. Fe wnaeth y Ddeddf Economi Ddigidol 2017 gyflwyno dyletswydd newydd i Ofcom i adolygu'r Cod EPG erbyn Rhagfyr 2020. Mae'r datganiad hwn yn cloi ein hadolygiad o'r darpariaethau amlygrwydd yn y Cod EPG.

Rydyn ni'n diwygio'r Cod EPG i sicrhau bod y prif sianelau PSB (BBC1, BBC2, gwasanaethau Channel 3, Channel 4 a Channel 5), yn parhau'n hawdd i'w darganfod. Rydyn ni hefyd yn gosod lefelau isafswm ar gyfer gwasanaethau PSB a Theledu Lleol eraill. Bydd hyn yn sicrhau bod gwylwyr yn parhau i ddod o hyd i sianelau PSB yn hawdd ac yn gwneud rhai gwasanaethau PSB yn haws i'w darganfod.