Teledu, radio ac ar-alw

Fel rheoleiddiwr y BBC, ein gwaith ni yw gwneud yn siŵr bod y gorfforaeth yn darparu ar gyfer cynulleidfaoedd. Rydym hefyd yn rheoleiddio cwynion a safonau golygyddol y BBC, ac yn gweithio i ddiogelu cystadleuaeth deg ac effeithiol.

Mae gan ddarlledu gwasanaeth cyhoeddus draddodiad hir a balch yn y DU, gan ddarparu newyddion diduedd a dibynadwy, rhaglenni sy'n tarddu o'r DU a chynnwys nodedig. Rydym yn monitro pa mor dda mae darlledwyr gwasanaethau cyhoeddus y DU yn perfformio.

Gwybodaeth dechnegol am y trosglwyddyddion y mae gwasanaethau radio a theledu yn eu defnyddio i gyrraedd pob rhan o’r DU.

Pwrpas y rheolau am digwyddiadau rhestredig yw sicrhau bod darllediadau rhai digwyddiadau chwaraeon mawr, fel y Gemau Olympaidd neu Gwpan y Byd FIFA, ar gael yn eang i gynulleidfaoedd am ddim. Mewn rhai achosion, rhaid cael caniatâd Ofcom er mwyn dangos darllediad byw o ddigwyddiad rhestredig.

Mae Ofcom yn rheoleiddio rhaglenni ar wasanaethau ‘fideo ar-alw’ y DU, neu wasanaethau rhaglenni ar-alw. Mae’r rhain yn cynnwys gwasanaethau dal i fyny ar y teledu, gwasanaethau ffilm ar-lein a llyfrgelloedd i gadw cynnwys archifol.

Rydym yn rhoi trwyddedau ar gyfer gwasanaethau radio cyfyngedig sy’n cael eu defnyddio i ddarlledu mewn digwyddiadau, neu mewn sefydliad penodol. Rhai enghreifftiau yw sylwebaethau chwaraeon, ysbytai neu arferion crefyddol fel Ramadan.

Mae’r Ddeddf Cyfryngau wedi’i llunio i ddiogelu darlledu gwasanaeth cyhoeddus ac i feithrin arloesedd, er mwyn i gynulleidfaoedd y DU allu mwynhau’r gwasanaethau, y cynnwys fideo a’r rhaglenni maen nhw’n eu mwynhau. Rydym wedi ymrwymo i roi’r rheolau newydd hyn ar waith fel y nodir ar ein hamserlen, a hynny cyn gynted â phosibl mewn ffordd sy’n deg, yn gymesur ac yn effeithiol.

Rhaid i ddarlledwyr sicrhau bod eu gwasanaethau ar gael i bobl ag anableddau.

Rhaid i ddarlledwyr gwasanaeth cyhoeddus y DU sy’n cael eu hariannu’n fasnachol lynu wrth reolau hysbysebu llym. Gallwch weld ein gwybodaeth am y rheolau hyn yma.

Mae Ofcom yn trwyddedu gwasanaethau radio analog (sydd weithiau’n cael eu galw’n radio AM/FM) megis radio cymunedol a rhai gorsafoedd radio masnachol.

Mae gorsafoedd radio cymunedol yn rhoi llais newydd i gannoedd o gymunedau lleol ar draws y DU.

Mae Ofcom yn trwyddedu amrywiaeth o wasanaethau radio digidol, gan gynnwys gwasanaethau amlblecs DAB cenedlaethol a gorsafoedd arbenigol ar raddfa fach.

Mae’n rhaid i raglenni radio a theledu yn y DU lynu wrth y rheolau rydym yn eu gosod. Mae ein Cod Darlledu yn nodi’r rheolau hyn, ac rydym yn cyhoeddi ein penderfyniadau ar gwynion am raglenni mewn bwletinau bob pythefnos.

Dylai rhaglenni teledu a radio adlewyrchu profiadau pawb yn y gymdeithas, beth bynnag fo’u cefndir. Er mwyn helpu i gyflawni hyn, rydym yn gweithio gyda’r diwydiant darlledu i hyrwyddo tegwch, amrywiaeth a chynhwysiad.

Mae Ofcom yn trwyddedu holl wasanaethau teledu masnachol y DU. Yma cewch wybodaeth am drwyddedigion, ffurflenni cais a diweddariadau eraill am ein gwaith.