Defnyddiwch borth trwyddedu Ofcom i wneud cais am drwydded radio awyrennau, radio amatur neu radio llongau. Gallwch hefyd ddefnyddio’r porth i reoli eich trwydded bresennol.
Hysbysiad Cyffredinol
Ar 11 Rhagfyr 2023, fe wnaethom gyhoeddi Hysbysiad Cyffredinol ar ein gwefan. Mae’r hysbysiad yn rhybuddio ein bod yn bwriadu amrywio telerau ac amodau trwyddedau radio amatur er mwyn eu cysoni â’r newidiadau rydym wedi’u gwneud fel rhan o’n hadolygiad o’r fframwaith trwyddedu radio amatur. Nod y newidiadau hyn yw sicrhau bod radio amatur yn gallu parhau i ffynnu a bod yn rhan fywiog a gwerthfawr o’r dirwedd gyfathrebu ehangach am flynyddoedd i ddod.
Darllen rhagor o wybodaeth am yr hysbysiad cyffredinol a’r broses amrywio.
Cofrestru neu fewngofnodi
Cwsmeriaid newydd
Cofrestrwch gyda chyfeiriad e-bost dilys drwy ddilyn y ddolen isod.
Cwsmeriaid presennol
Os ydych wedi cofrestru’n flaenorol ar yr hen borth gan ddefnyddio eich cyfeiriad e-bost fel yr enw defnyddiwr, cofrestrwch eto gan ddefnyddio'r un e-bost.
Os nad ydych yn gallu cofio neu os ydych wedi newid eich e-bost, cysylltwch â ni er mwyn i ni allu newid eich manylion er mwyn i chi allu cofrestru.
Os ydych wedi mewngofnodi o'r blaen gan ddefnyddio enw defnyddiwr a gynhyrchwyd gan Ofcom, cysylltwch â ni gyda’r wybodaeth ganlynol:
- cyfeiriad e-bost dilys
- rhif trwydded cyfredol
- arwydd galw a’ch cod post
Defnyddiwch ein porth ar-lein i wneud cais am drwydded awyrennau newydd. Gallwch hefyd ddefnyddio’r porth i wneud y canlynol:
- rheoli eich manylion personol
- rheoli pob trwydded awyren
- cofrestru ar ran sefydliad
Gwneud cais ar ran sefydliad
I wneud cais ar ran sefydliad, bydd angen i chi gofrestru ar-lein fel defnyddiwr newydd.
Wrth wneud cais am drwydded awyren, nodwch fod y drwydded ar gyfer sefydliad.
Os oes gan y sefydliad rydych yn gwneud cais ar ei ran drwydded awyren yn barod, cysylltwch â'r tîm Trwyddedu Sbectrwm i roi cyfeiriad e-bost dilys iddyn nhw. Bydd hyn yn caniatáu i chi gofrestru eto, a chael gafael ar y trwyddedau rydych yn gyswllt ar eu cyfer o dan y cyfrif hwn
Ar ein system ar-lein, gallwch wneud cais am y canlynol a’u rheoli:
- eich gwybodaeth bersonol
- pob trwydded Radio Amatur, gan gynnwys trwyddedau clwb
- hysbysiad o amrywiad mewn Gorsafoedd Digwyddiadau Arbennig
HAREC
Rhaid i Amaturiaid Radio’r DU a fyddai’n hoffi gwneud cais am drwydded radio amatur mewn gwlad arall sy’n cymryd rhan yn Argymhelliad CEPT T/R 61/02 gael HAREC y DU
Mae HAREC y DU bellach yn cael ei gyhoeddi ochr yn ochr â phob tystysgrif pasio arholiad llawn a gyhoeddir yn y DU. Mae CEPT ar wahân i’r UE. Felly, bydd y trefniadau hyn yn parhau am gyfnod amhenodol, y tu hwnt i 31 Rhagfyr 2020.
Hysbysiad Amrywiad
Gallwch nawr wneud cais am NoV Digwyddiad Arbennig a’i dyfarnu drwy’r
System Trwyddedu Ar-lein..
Applying for Special Event Station Notice of Variations Online User Guide. (PDF, 504.1 KB)
I wneud cais am y NoVs canlynol, bydd angen i chi lenwi ffurflen gais a’i hanfon at y tîm Trwyddedu Sbectrwm drwy'r post neu dros e-bost.
- Hysbysiad Amrywiad Gorsaf Digwyddiad Arbennig
- Hysbysiad Amrywiad Gorsaf Digwyddiad Arbennig
OfW287 Application for a Notice of Variation (NoV) for a Special Event Call sign PDF, 35.9 KB
- Trwydded Ymchwil Arbennig
OfW306 Application for an Amateur Radio Special Research Permit PDF, 28.9 KB
Special Event Stations in 2016 PDF, 26.7 KB
Trefniadau ar gyfer Gorsafoedd Digwyddiadau Arbennig i nodi canmlwyddiant Sgowtiaid y Cybiaid a digwyddiadau’r Rhyfel Mawr
Amrywiad ar gyfer Arwydd Galw Cystadleuaeth Arbennig
Mae’r RSGB yn prosesu ceisiadau am arwyddion galw Cystadleuaeth Arbennig ar gyfer Ofcom, er mai penderfyniad Ofcom yw a ddylid caniatáu amrywiad ai peidio.
Ceisiadau drwy’r post
Cofiwch fod ceisiadau drwy’r post yn cynnwys ffi weinyddol o £20 ar gyfer ymgeiswyr dan 75 oed.
Gan ddefnyddio ein system ar-lein, gallwch wneud cais am y canlynol a’u rheoli:
- eich gwybodaeth bersonol
- pob trwydded radio llongau/radio symudol llongau
- cofrestriadau ar-lein ar ran sefydliadau
Gwneud cais ar-lein ar ran sefydliad
- Bydd angen i chi gofrestru ar-lein fel defnyddiwr newydd
- Wrth wneud cais am drwydded radio llongau/radio symudol llongau, nodwch fod y drwydded ar gyfer sefydliad
- Os oes gan y sefydliad rydych yn gwneud cais ar ei ran drwydded radio llongau yn barod, cysylltwch â’r tîm trwyddedu sbectrwm i gael eich rhif cwsmer gan y bydd hyn yn ofynnol gyda’r broses ymgeisio ar-lein
- Os oes gennych gyfrif ar ran sefydliad yn barod, bydd angen i chi gysylltu â'r tîm Trwyddedu Sbectrwm i roi cyfeiriad e-bost dilys iddyn nhw. Bydd hyn yn eich galluogi i gofrestru eto, a chael gafael ar y trwyddedau rydych yn gyswllt ar eu cyfer o dan y cyfrif hwn
ATIS
Os oes angen rhif ATIS arnoch, gallwch ychwanegu'r rhif hwn at eich trwydded radio llongau. Y cyfan sydd angen i chi ei wneud yw diwygio eich trwydded ac ychwanegu un neu fwy o ddarnau o offer ATIS.
Ffurflenni ac adnoddau y gellir eu llwytho i lawr ar gyfer radio llongau
Ships radio: guidance notes for licensees (PDF, 532.7 KB)
Group MMSI request form (PDF, 56 kB)
OfW347: Ships Radio Application Form (PDF, 1.8 MB)
OfW347a: Ships Radio Amendment and Surrender Form (PDF, 654.0 KB)
Mae gennym nifer o opsiynau i’ch cefnogi ar-lein, gan gynnwys:
- Fy Nghyfrif - Mae’n eich galluogi i reoli eich cyfrif ar-lein, gwneud cais am drwyddedau ychwanegol neu ildio ac amrywio trwyddedau presennol. Sylwch y dylech ildio trwyddedau diangen neu efallai y bydd Ofcom yn ymweld â chi am eich bod yn defnyddio’r sbectrwm radio yn anghyfreithlon.
- Cymorth a Chefnogaeth – Dod o hyd i atebion defnyddiol a chanllawiau cam wrth gam, neu gysylltu â ni dros e-bost neu dros y ffôn.
- Fel rhan o raglen barhaus i adnewyddu'r system, cynyddu swyddogaethau ar-lein a gwella profiad cwsmeriaid
- Sicrhau bod ein Gwasanaethau Ar-lein yn ddiogel ac yn gyfleus.
- Er mwyn i chi allu cadw eich newidiadau a dod yn ôl yn nes ymlaen i gwblhau eich cyflwyniad, gan helpu’r broses i weithio o’ch cwmpas chi.
- Sicrhau ein bod yn casglu gwybodaeth gywir a chyflawn am geisiadau
Fel gydag unrhyw broses uwchraddio, ni allwn ddiystyru’r posibilrwydd o rai mân ddiffygion a allai effeithio ar nifer y galwadau rydym yn eu cael. Byddwn yn gwneud ein gorau i ymateb i alwadau a negeseuon e-bost cyn gynted â phosibl, ond gall hyn gymryd mwy o amser nag arfer. Hoffem ymddiheuro am unrhyw anghyfleustra a diolch i chi am eich amynedd.
Y Porth Trwyddedu Amatur a Llongau yw cam cyntaf rhaglen adnewyddu barhaus a byddem yn gwerthfawrogi adborth ar eich profiad. Anfonwch e-bost atom yn licensing.feedback@ofcom.org.uk. Rydym yn gwerthfawrogi’r holl adborth ond cofiwch na fyddwn yn gallu ymateb i negeseuon e-bost unigol.
Os ydych yn cael trafferth defnyddio’r porth, anfonwch e-bost at y tîm Trwyddedu Sbectrwm yn spectrum.licensing@ofcom.org.uk.