Adolygu’r Amodau Hawliau Cyffredinol

Mae’r datganiad hwn yn sôn am newidiadau rydym yn eu gwneud i’r Amodau Hawliau Cyffredinol – y rheolau rheoleiddio y mae’n rhaid i bob darparwr cyfathrebiadau eu dilyn er mwyn gweithredu yn y DU.

Mae’r datganiad hwn yn sôn am y canlynol:

1. diweddaru cyfarwyddyd sy’n nodi pa gyrff cyhoeddus gaiff ofyn i’r diwydiant wneud trefniadau i adfer gwasanaethau cyfathrebiadau os bydd trychineb;
2. ymestyn ein pŵer ymhellach o ran dileu rhifau ffôn sydd ddim yn cael eu defnyddio’n unol â’r Cynllun Rhifau Ffôn Cenedlaethol, neu sy’n cael eu camddefnyddio mewn ffordd arall;
3. cynnig canllawiau ar gyfer gweithdrefnau terfynu contractau.

Bydd y newidiadau hyn yn dod i rym ar 1 Hydref 2018, sef yr un diwrnod y mae’r Amodau Cyffredinol yn dod i rym.