Mae'r adran hon yn cynnwys astudiaethau achos ar amrywiaeth a chynhwysiad mewn darlledu.
Rydym yn diweddaru'r adran hon yn rheolaidd gyda myfyrdodau gan gynulleidfaoedd a phobl sy'n gweithio ar draws y diwydiant.
Sgwrs gydag arweinwyr diwydiant:
Fel rhan o'n digwyddiad yn Hydref 2020 Sgrîn Fach Trafodaeth Fawr, myfyriodd uwch arweinwyr ar draws y byd darlledu ar y rôl y mae darlledwyr gwasanaeth cyhoeddus yn ei chwarae wrth gefnogi amrywiaeth ar y sgrîn ac oddi arni:
Ym mis Tachwedd 2020, cynhaliodd tîm Ofcom Cymru ddigwyddiad Sgrîn Fach Trafodaeth Fawr. Fel rhan o hyn, myfyriodd uwch reolwyr BBC Cymru Wales ac ITV Cymru Wales ar beth mae amrywiaeth yn ei olygu iddyn nhw:
Sbotolau ar RadioCentre
Rhannodd Radiocentre, corff Radio Masnachol y diwydiant, sut mae'n cefnogi amrywiaeth yn niwydiant radio y DU:
Safbwyntiau ar Amrywiaeth
Amrywiaeth yn niwydiant teledu'r DU
Mae'r beirniad ffilm/teledu a colofnydd Ellen E Jones, a'r actor, awdur a chynhyrchydd David Proud, yn rhannu mewnwelediadau personol ar amrywiaeth a chyfle cyfartal, yn seiliedig ar eu profiadau fel gweithwyr proffesiynol sy'n gweithio yn y diwydiant teledu. Cyhoeddwyd y fideos hyn yn gyntaf ochr yn ochr â'n hadroddiad blynyddol yn 2019 ar amrywiaeth a chyfle cyfartal yn niwydiant teledu'r DU.
Dialling up diversity in radio – podlediad gan Ofcom
Mae Vikki Cook, Cyfarwyddwr Darlledu a Chynnwys Ar-lein Ofcom, yn cadeirio trafodaeth d- flewyn ar dafod gyda Rhona Burns, Prif Swyddog Gweithredol Radio'r BBC; Will Harding, Prif Swyddog Strategaeth Global; a Paul Keenan, Llywydd Sain yn Bauer Media Group
Mae'r arweinwyr diwydiant hyn yn esbonio eu barn am wella amrywiaeth, ac mae amrywiaeth o bobl o ystod o gefndiroedd amrywiol yn rhannu eu profiadau o lwyddo ym myd radio. Cyhoeddwyd y podlediad hwn yn gyntaf ochr yn ochr â'n hadroddiad blynyddol yn 2018 ar amrywiaeth a chyfle cyfartal yn niwydiant radio'r DU.
Cyhoeddwyd y podlediad hwn yn gyntaf ochr yn ochr â'n hadroddiad blynyddol 2019 ar amrywiaeth a chyfle cyfartal yn niwydiant radio'r DU (PDF, 13.8 MB).
Pam mae amrywiaeth ym maes teledu'n bwysig
Cyfle i glywed gan uwch arweinwyr mewn rhai o'r darlledwyr mwyaf ar pam mae amrywiaeth yn bwysig ar draws y diwydiant teledu. Cyhoeddwyd y fideos hyn yn gyntaf ochr yn ochr â'n hadroddiad blynyddol yn 2018 ar amrywiaeth a chyfle cyfartal yn niwydiant teledu'r DU.
Ymchwil gan Ofcom
Rydym yn gwneud cryn dipyn o ymchwil sy'n edrych ar beth mae cynulleidfaoedd yn ei feddwl am amrywiaeth a chynhwysiad mewn darlledu. Isod mae detholiad o'n cyhoeddiadau ymchwil allweddol:
Mae ein hymchwil Sgrîn Fach:Trafodaeth Fawr yn ymchwilio i beth mae pobl ar draws y DU ei eisiau a'i angen gan ddarlledu gwasanaeth cyhoeddus.
Mae ein hymchwil Disgwyliadau Cynulleidfaoedd mewn Byd Digidol yn rhoi mewnwelediad i sut mae pobl yn teimlo am yr hyn y maent yn ei weld a'i glywed ar y teledu a'r radio. Mae'r ymchwil yn dangos b od cynulleidfaoedd eisiau i Ofcom ymdrin â chynnwys gwahaniaethol fel blaenoriaeth
Hyb Ymchwil Cynrychiolaeth a Phortreadu - Yn 2018, fe adolygom sut mae'r BBC yn cynrychioli ac yn portreadu pobl wahanol ar y teledu. Mae'r ymchwil sy'n sail i'r adolygiad hwn yn cynnig mewnwelediadau eang eu cwmpas a diddorol i beth mae pobl yn ei feddwl am gynrychiolaeth a phortreadu ar y teledu.