Adroddiad: Cwynion am wasanaethau band eang, llinell dir, symudol a theledu-drwy-dalu

Ffonau a band eang Ansawdd gwasanaeth Ymchwil, ystadegau a data
Cyhoeddwyd: 25 Ionawr 2024
Diweddarwyd diwethaf: 13 Chwefror 2025

Fel rheoleiddiwr cyfathrebiadau’r DU, mae Ofcom yn cael cwynion gan gwsmeriaid am eu gwasanaethau llinell dir, band eang sefydlog, ffonau symudol talu’n fisol, a theledu-drwy-dalu.

Er mwyn deall yn well beth yw’r rhesymau dros yr anfodlonrwydd ymysg cwsmeriaid preswyl yn ein sectorau, rydym yn casglu’r data hwnnw ac yn pennu nifer y cwynion sydd wedi dod i law fesul darparwr a gwasanaeth. Er mwyn cymharu perfformiad darparwyr, rydym yn mynd ati bob chwarter i gyhoeddi nifer y cwynion a gawsom amdanynt ynglŷn â maint eu sylfaen gwsmeriaid (hynny yw, fesul 100,000 o gwsmeriaid).

Tueddiadau cyffredinol

Yn y chwarter o fis Gorffennaf i fis Medi 2024 (Ch3 2024), roedd nifer y cwynion a gafodd Ofcom ychydig yn llai na’r chwarter diwethaf (Ch2 2024: Ebrill i Fehefin), fodd bynnag, roedd lefel gyffredinol cwynion y diwydiant yn aros yr un fath fwy neu lai o’i gymharu â’r chwarter blaenorol.

  • TalkTalk a gafodd y nifer mwyaf o gwynion yn ymwneud â band eang sefydlog. Gwelwyd cynnydd yn nifer y cwynion am TalkTalk ers y chwarter blaenorol.
  • Sky oedd y darparwr band eang sefydlog y cafwyd y nifer lleiaf o gwynion amdano.
  • EE, NOW Broadband a TalkTalk a gynhyrchodd y nifer mwyaf o gwynion am linell dir. Gwelodd EE ostyngiad, gwelodd NOW Broadband ostyngiad, a gwelodd TalkTalk gynnydd yn eu cwynion fesul 100,000 o danysgrifwyr o’i gymharu â’r chwarter blaenorol.
  • Utility Warehouse oedd y llinell dir y cafwyd y nifer lleiaf o gwynion amdano.
  • O2 oedd y darparwr gwasanaeth symudol talu'n fisol y cafwyd y nifer mwyaf o gwynion amdano unwaith eto. Roedd cwynion cwsmeriaid yn ymwneud yn bennaf â’r ffordd yr ymdriniwyd â’u cwynion.
  • EE, Sky Mobile a Tesco Mobile oedd darparwyr ffonau symudol talu’n fisol y cafwyd y nifer lleiaf o gwynion amdanynt.
  • Y darparwyr teledu-drwy-dalu y cafwyd y nifer mwyaf o gwynion amdanynt oedd EE a Virgin Media.
  • Sky a TalkTalk oedd y darparwyr teledu-drwy-dalu y cafwyd y nifer lleiaf o gwynion amdanynt.

Gweler isod am wybodaeth sy’n cymharu nifer y cwynion am ddarparwyr penodol. Mae ein dogfen gefndirol a methodoleg yn mynd i fwy o fanylder.

Mae’r siart isod yn dangos nifer cymharol y cwynion rydym wedi’u cael am wasanaethau band eang, llinell dir, ffonau symudol talu’n fisol, a theledu drwy dalu. Gallwch ddefnyddio’r llithrydd i hidlo drwy’r blynyddoedd.

Nifer cymharol y cwynion fesul 100,000 o gwsmeriaid

Gan ddefnyddio cymhariaeth o un flwyddyn i’r llall, mae swm cymharol y cwynion am wasanaethau band eang sefydlog, llinell dir a theledu-drwy-dalu wedi gostwng, a swm y cwynion am ffonau symudol talu’n fisol wedi aros yr un fath.

I gael y profiad gorau, ehangwch i sgrin lawn (cliciwch ar y botwm yn y gornel dde ar y gwaelod).

Tablau cynghrair a’r prif gwynion

Band eang sefydlog

*Cafwyd cyfanswm o 34 o gwynion am Shell yn ymwneud â Band Eang. Byddai cwynion cyfun Shell a TalkTalk yn 15.37 fesul 100,000 (8ed safle yn y tabl). 

Llinell dir

*Cafwyd cyfanswm o 18 o gwynion am Shell yn ymwneud â Llinell dir. Byddai cwynion cyfun Shell a TalkTalk yn 9.17 fesul 100,000 (9ed safle yn y tabl). 

Symudol talu'n fisol

Teledu-drwy-dalu

Cwynion cymharol am bob 100,000 o gwsmeriaid

Pan fo’r gwahaniaeth mesuradwy rhwng nifer y cwynion a gafodd y darparwyr fesul 100,000 o gwsmeriaid yn llai nag 1, rydym yn ystyried eu canlyniadau’n gymaradwy. Yn y sectorau canlynol, rydym yn ystyried bod y darparwyr a restrir yn gymaradwy:

Band Eang Sefydlog:

  1. Cyfartaledd y Diwydiant, BT a Vodafone;
  2. Virgin Media, NOW Broadband ac EE.

Llinell dir:

  1. Cyfartaledd y Diwydiant a Plusnet;
  2. Plusnet, BT a Virgin Media;
  3. NOW Broadband, EE a TalkTalk.

Ffonau Symudol Talu’n Fisol:

  1. Tesco Mobile, Sky Mobile ac EE;
  2. EE, Vodafone, iD Mobile, Cyfartaledd y Diwydiant a Three.

Teledu-drwy-dalu:

  1. Sky a TalkTalk;
  2. EE a Virgin Media.

Cwynion cyffredinol yn ôl sector

Mae’r siart isod yn dangos cwynion am bob darparwr ym mhob un o’r pedwar sector.

I gael y profiad gorau, ehangwch i sgrin lawn (cliciwch ar y botwm yn y gornel dde ar y gwaelod).

Cymharu darparwyr gwahanol

Er mwyn cymharu perfformiad dau neu fwy o ddarparwyr, dewiswch y gwasanaeth ac yna'r darparwyr rydych am eu cymharu o'r rhestri ar y dde.

I gael y profiad gorau, ehangwch i sgrin lawn (cliciwch ar y botwm yn y gornel dde ar y gwaelod).

Cwynion yn ôl darparwr

Er mwyn cymharu cwynion ar gyfer darparwr ar draws nifer o sectorau, defnyddiwch yr opsiynau ar y dde.

I gael y profiad gorau, ehangwch i sgrin lawn (cliciwch ar y botwm yn y gornel dde ar y gwaelod).

Mwy o wybodaeth

Mae'r data sylfaenol ar gael mewn Q3 2024 Summary CSV (CSV, 16.22 KB) (Saesneg yn unig). Rydym hefyd yn cynnwys data tueddiadau cyffredinol ar gyfer cwynion symudol talu-wrth-ddefnyddio.

Gallwch hefyd ddarllen cefndir a methodoleg (PDF, 219.4 KB)  (Saesneg yn unig).

Adroddiadau blaenorol

Noder bod y rhain ar gael yn Saesneg yn unig.

Mae adroddiadau hŷn ar gael yn yr Archifau Cenedlaethol.

Cynnwys cysylltiedig

Dewis y darparwr band eang, symudol a llinell dir gorau

See how the UK's main mobile, broadband and home phone providers have performed on the quality of customer service.

Sut i gael y gorau o’ch band eang

Gallai fod modd i chi gael band eang sy’n gyflymach ac yn rhatach na’ch cytundeb presennol. Bydd y canllaw hwn yn eich helpu i ddarganfod a oes gennych y pecyn gorau ar gyfer eich anghenion.

Ydych chi mewn neu allan o gontract?

Mae miliynau o bobl allan o gontract, a gallent fod yn cael gwell bargen ar eu contractau ffôn, band eang a theledu drwy dalu – ydych chi’n un o’r bobl yma?

Rate this page

Was this page helpful?
Yn ôl i'r brig