Datganiad: Adnewyddu trwydded Channel 4

Bydd y drwydded gyfredol ar gyfer Channel 4 yn dod i ben ar 31 Rhagfyr 2024. Ofcom sy'n gyfrifol am bennu hyd ac amodau trwydded newydd ar gyfer Corfforaeth Deledu Channel 4 (C4C) i ddarparu'r sianel gwasanaeth cyhoeddus, Channel 4.

Mae'r Datganiad hwn yn nodi ein penderfyniadau ar drwydded deng mlynedd newydd ar gyfer Channel 4, gan ddechrau o 1 Ionawr 2025. Mae'r penderfyniadau hyn yn dilyn dau ymgynghoriad (ym mis Rhagfyr 2023 a Gorffennaf 2024) ar ein cynigion ar gyfer y drwydded newydd.

Mae'r drwydded newydd wedi'i chynllunio i gefnogi strategaeth cynnwys a dosbarthu digidol Channel 4, tra'n diogelu ei buddsoddiad mewn cynnwys unigryw yn y DU a diogelu buddiannau gwylwyr sy'n dibynnu ar deledu darlledu arferol, traddodiadol.