Mae Ofcom wedi rhoi cosb ariannol o £150,000 i sianel grefyddol, The Word Network, heddiw am dorri ein rheolau darlledu.
Canfu ymchwiliad Ofcom fod dau rifyn o’r Peter Popoff Ministries yn cynnwys honiadau a allai fod yn niweidiol, sef y gallai cysylltu â gweinidogaeth y cyflwynydd neu archebu ei “Dŵr Mwynol Gwyrthiol” wella cyflyrau iechyd difrifol a sefyllfaoedd ariannol.
Daethom i’r casgliad bod The Word Network wedi torri rheolau darlledu gan ei fod wedi methu â diogelu safbwyntiau’n ddigonol rhag niwed, wedi manteisio ar wendidau’r gynulleidfa ac wedi hyrwyddo cynnyrch yn y rhaglen.
O ystyried difrifoldeb torri’r rheolau, mae Ofcom wedi rhoi cosb ariannol o £150,000 i The Word Network, a fydd yn cael ei throsglwyddo i Drysorlys EF. Rydym hefyd wedi dweud wrtho am beidio ag ailddarlledu’r rhaglenni ac i ddarlledu datganiad am y canfyddiadau yn ei erbyn, ar ddyddiadau ac ar ffurf sydd i’w pennu gennym ni.