Ymgynghoriad: Adolygiad o’r Amod Gwasanaethau Cyfradd Premiwm

Mae'r ymgynghoriad hwn yn esbonio cynnig Ofcom i ddiwygio'r Amod Gwasanaethau Cyfradd Premiwm fel ei bod yn berthnasol i holl wasanaethau gwybodaeth, cysylltu a chyfeirio galwadau (ICSS).

Mae ICSS yn fath o wasanaeth cyfradd premiwm. Maent yn wasanaethau sy'n:

1. darparu cyngor neu wybodaeth i gael gafael mewn gwasanaethau cyhoeddus neu fasnachol; a/neu
2. cysylltu neu'n cyfeirio defnyddwyr at rifau cyswllt neu llinellau cymorth sydd fel arfer yn costio mwy na galw'n uniongyrchol.

Ar hyn o bryd, mae’r rhan fwyaf o ICSS sy’n defnyddio rhifau ‘087’ a ‘09’ yn cael eu rheoleiddio gan yr Awdurdod Gwasanaethau Talu dros y Ffôn (PSA). Fodd bynnag, dros y flwyddyn ddiwethaf, rydyn ni wedi dechrau poeni am y niwed i ddefnyddwyr sy’n deillio o ICSS yn gweithredu ar yr ystod rhifau ‘084’. Nid yw’r rhain yn rhan o gylch gwaith yr Awdurdod ar hyn o bryd.

I fynd i'r afael â hyn, rydyn ni'n cynnig gwneud yr Awdurdod yn gyfrifol am reoleiddio’r holl ICSS - waeth beth fo’u pris neu eu hystod rhifau.

Rydyn ni’n gofyn am sylwadau ar ein canfyddiadau a'n cynigion.