Ymgynghoriad: Pencampwriaeth Rygbi’r Chwe Gwlad 2025 (Digwyddiadau rhestredig)

Diweddarwyd y datganiad ar 6 Mawrth

Dywedodd y BBC wrthym ar 5 Mawrth 2025 nad oedd yn bwriadu darlledu darllediadau radio byw o'r gêm rhwng Lloegr a'r Eidal ar 9 Mawrth 2025, oherwydd gwrthdaro amserlennu â digwyddiadau chwaraeon eraill. Yn hytrach, bydd sylwebaeth glywedol o'r gêm ar gael ar-lein drwy BBC Sounds.

Datganiad a gyhoeddwyd 27 Ionawr 2025

Mae Ofcom wedi cael ceisiadau gan y BBC ac ITV am ganiatâd i ddarlledu Pencampwriaeth Rygbi Chwe Gwlad y Dynion yn fyw ac yn ecsgliwsif yn 2025.

Mae gemau’r Chwe Gwlad i’r gwledydd cartref wedi’u dynodi’n ddigwyddiadau rhestredig Grŵp B. Yn unol â Deddf Darlledu 1996, mae angen caniatâd Ofcom er mwyn i ddarlledwr ddarparu darllediadau teledu byw, ecsgliwsif.

Mae'r BBC ac ITV/STV yn bwriadu rhannu darllediadau o'r Chwe Gwlad 2025. Mae’r BBC yn bwriadu darlledu darpariaeth fyw lawn o Gemau Cartref Cymru a’r Alban ar BBC One neu BBC Two. Mae ITV ac STV yn bwriadu darlledu darllediadau byw o gemau cartref Lloegr, Iwerddon, Ffrainc a’r Eidal ar draws rhwydwaith Channel 3.

Bydd y BBC hefyd yn darlledu darllediadau byw ar y radio o’r holl gemau ym Mhencampwriaeth y Chwe Gwlad 2025 ar BBC Radio 5 Live a BBC Radio 5 Sports Extra.

Rydym yn bwriadu rhoi caniatâd dros dro i geisiadau’r BBC ac ITV ac rydym yn gwahodd cyflwyniadau gan bartïon sydd â diddordeb erbyn 5pm ar 16 Ionawr 2025.

Ymateb i'r ymgynghoriad hwn

Cyflwynwch ymatebion gan ddefnyddio'r ffurflen ymateb i ymgynghoriad.