![Amateur radio microphone on a studio desk.](/siteassets/resources/images/-news-centre/thumbnail-images/radio/amateur-radio-station.png?width=1920&height=577&quality=80)
Heddiw mae Ofcom wedi cyhoeddi bod grantiau wedi cael eu dyfarnu i 11 o orsafoedd radio cymunedol yn dilyn cwblhau rownd un.
Mae’r Gronfa Radio Cymunedol yn cael ei dyrannu gan yr Adran dros Ddiwylliant, y Cyfryngau a Chwaraeon, ac yn cael ei rheoli gan Ofcom.
Sefydlwyd y gronfa i helpu gyda’r costau craidd o redeg gorsafoedd radio cymunedol, sy’n gweithredu ar sail dim-er-elw i ddarparu buddion cymdeithasol penodol i ardal ddaearyddol neu gymuned fuddiant benodol.
Yn y rownd gyllid hon, dyfarnwyd gwerth £205,479 o grantiau i 11 o orsafoedd radio cymunedol. Roedd symiau’r grantiau a ddyfarnwyd yn amrywio o £4,320 i £33,854, a £18,680 oedd y dyfarniad cyfartalog. Cyfanswm y cyllid y gofynnwyd amdano ar draws yr 81 o geisiadau oedd £1,542,694.29.
Dyfarnwyd grantiau i’r canlynol:
- The Beat London 103.6 – gorsaf radio cymunedol ddinesig i bobl ifanc yn Llundain.
- BGFM – gorsaf i gynulleidfaoedd ym Mlaenau Gwent sy’n cynnig rhaglenni o bob math, gan gwmpasu amrywiaeth o genres a chyflwynwyr, a hybu’r iaith Gymraeg.
- Drive 105FM – nod yr orsaf hon yw creu synnwyr o gymuned yn ninas Derry/Londonderry, gan adlewyrchu’r amlddiwylliannaeth yn y ddinas.
- Future Radio – nod yr orsaf hon yw ymgysylltu â’r gymuned yn Norwich, datblygu sgiliau, a chynnig cyfleoedd drwy gerddoriaeth, sgyrsiau a phobl.
- Heartsong Live Radio – yn gwasanaethu’r gymuned Gristnogol yng Nghaeredin.
- Jorvik Radio – yn darlledu rhaglenni sy’n berthnasol i’r ardal leol yn Efrog a’r cyffiniau.
- Legacy 90.1FM – gorsaf radio cymunedol Affricanaidd a Charibïaidd ym Manceinion, sy’n cael ei rhedeg gan wirfoddolwyr.
- Liverpool Community Radio – gorsaf sy’n darlledu amrywiaeth o raglenni 24/7 i aelodau o’r gymuned sydd dan anfantais.
- Ocean City Radio – gorsaf yn Plymouth a lansiwyd yn 2018 mewn carafán wedi’i throi’n stiwdio, gyda thîm o 35 o wirfoddolwyr.
- Rutland and Stamford Sound – gorsaf sy’n canolbwyntio ar gefnogi’r gymuned leol drwy hyrwyddo busnesau a digwyddiadau lleol.
- Sunny Govan Radio – gorsaf sy’n cynnig rhaglenni newyddion lleol a gyflwynir gan wirfoddolwyr i gynulleidfaoedd yn Glasgow.