![Person holding a TV remote control in front of a TV screen showing tens of application options](/siteassets/resources/images/-news-centre/thumbnail-images/tv-and-on-demand/holding-tv-remote-control-in-front-of-tv-screen.jpg?width=1920&height=577&quality=80)
Mae Ofcom wedi cwblhau ei asesiad o gwynion a gawsom am sylwadau Gary Neville yn ystod darllediadau ITV o Rownd Derfynol Cwpan y Byd, ar 18 Rhagfyr 2022.
Cwynodd 705 o wylwyr i Ofcom am y sylwadau, a oedd yn cymharu pryderon ynghylch hawliau dynol gweithwyr yng Nghwpan y Byd Qatar ag anghydfodau diwydiannol parhaus yn y DU.
Fe wnaethom ystyried y cwynion hyn yn erbyn ein rheolau darlledu. Yn ein barn ni, daeth y sylwadau byw, byr a heb eu sgriptio am gysylltiadau diwydiannol yn y DU yng nghanol trafodaeth ehangach am bolisïau a gweithredoedd Llywodraeth Qatar, a roddodd y pwys dyladwy i amrywiaeth o safbwyntiau. Felly, ni fyddwn yn mynd ar drywydd y cwynion hyn ymhellach.
Fodd bynnag, rydym wedi cyhoeddi canllawiau i ITV yn eu hatgoffa o'u rhwymedigaethau didueddrwydd dyladwy. Mae ITV wedi ein sicrhau y bydd cyflwynwyr a gwesteion stiwdio yn cael eu hatgoffa o’r rheolau hyn.