Ymgynghoriad: Diwygiadau i weithdrefnau ar gyfer ymchwilio i dorri amodau trwyddedau darlledu

Mae gan Ofcom ddyletswydd i sicrhau bod gwasanaethau teledu a radio ar gael yn eang ledled y DU ac er mwyn ein helpu i wneud hyn, rydym yn rhoi trwyddedau darlledu gydag amodau trwydded penodol ynghlwm â nhw.

Rydym yn gorfodi’r amodau trwydded hyn yn unol â’n Gweithdrefnau Cyffredinol a gyhoeddwyd, a gafodd eu diweddaru ddiwethaf ym mis Ebrill 2017. Ers hynny, mae datblygiadau wedi bod yn y mathau o ddarlledwyr rydym yn eu rheoleiddio, ynghyd â newidiadau yn ein dull rheoleiddio, a chynnydd cyffredinol yn ein llwyth achosion. Yn y cyd-destun hwn, rydym nawr yn adolygu ein Gweithdrefnau Cyffredinol i sicrhau eu bod yn parhau i fod yn addas i’r diben.

Yn gryno, rydym yn cynnig gwneud y canlynol:

• cyhoeddi fframwaith newydd a manylach ar gyfer blaenoriaethau gweinyddol;
• egluro ein safbwynt ar rannu gwybodaeth am gwynion â’r darlledwr;
• peidio â rhoi gwybod yn uniongyrchol i achwynwyr am ganlyniad ein hasesiadau; a
• pennu cyfyngiad amser ar gyfer gwneud cwynion.

Rydym hefyd yn manteisio ar y cyfle hwn i gynnig nifer o newidiadau i ailstrwythuro, symleiddio ac egluro’r gweithdrefnau er mwyn eu gwneud yn haws eu dilyn.

Ymateb i'r ymgynghoriad hwn

Cyflwynwch ymatebion gan ddefnyddio'r ffurflen ymateb i ymgynghoriad.