Amserlen arfaethedig ar gyfer ail-hysbysebu trwyddedau radio masnachol analog lleol

Gweler dyfarniadau a cheisiadau cyfredol a diweddar am drwyddedau radio masnachol.

Cyflwyniad

1.1 Mae’r ddogfen hon yn rhoi arweiniad i’r rheini sy’n dymuno gwneud cais am drwyddedau radio masnachol analog lleol sydd wedi cael eu hail-hysbysebu. Ar gyfer deiliaid presennol y trwyddedau hynny ac eraill a allai fod eisiau gwneud cais amdanynt, mae’n egluro’r broses drwyddedu y bydd Ofcom yn ei dilyn, y prif ofynion statudol y byddwn yn eu hystyried a’r amodau trwydded y bydd angen eu bodloni.

Ymwadiad cyffredinol

1.2 Darperir gwybodaeth am ystod eang o faterion yn y ddogfen hon, ac mae llawer ohonynt yn gofyn am ddehongli’r gyfraith. Nid yw’r wybodaeth a ddarperir yn cynnwys yr holl ofynion statudol a thrwyddedu, ac ni ddylid ei hystyried yn ddatganiad cyflawn ac awdurdodol o’r gyfraith. Nid yw unrhyw wybodaeth a ddarperir gan Ofcom, boed yn y ddogfen hon neu mewn mannau eraill, yn awgrymu unrhyw farn gan Ofcom ynghylch rhagolygon masnachol y trwyddedau, nac y bydd gwasanaethau trwyddedig yn broffidiol.

1.3 Rhaid i ymgeiswyr posibl trwyddedau radio masnachol analog lleol wneud eu hasesiad annibynnol eu hunain ar ôl cael cyngor proffesiynol eu hunain, a chynnal unrhyw ymchwiliadau pellach o’r fath sy’n angenrheidiol yn eu barn nhw ar bob mater perthnasol. Nid yw Ofcom yn gwneud unrhyw sylwadau na gwarantau, penodol nac yn ymhlyg, mewn perthynas â gwybodaeth yn y ddogfen hon neu mewn perthynas ag unrhyw wybodaeth ysgrifenedig neu lafar a wneir neu sydd i’w darparu i unrhyw ddarpar ymgeisydd neu ei gynghorwyr proffesiynol. Felly ymwadir yn benodol ag unrhyw atebolrwydd. Mae Ofcom yn cadw’r hawl i newid neu gywiro unrhyw ran o’r ddogfen hon.

1.4 Dylai darpar ymgeiswyr fod yn ymwybodol y gallai rhai o nodweddion penodol y broses drwyddedu, megis ffioedd, gweithdrefnau sancsiynau a drafftio codau cynnwys perthnasol, newid yn y dyfodol wrth i wahanol ymgynghoriadau cyhoeddus gael eu cynnal ac wrth i’w canlyniadau gael eu hasesu.

Local analogue commercial radio licence re-advertisement - Notes of guidance for applicants (PDF, 183.4 KB)

Templed ariannol ar gyfer ceisiadau am drwydded (Saesneg yn unig) (XLS, 28.0 KB)