Apply for a non-geostationary satellite earth station licence (FSS)

Mae trwyddedau gorsafoedd daear lloeren nad ydynt yn ddaearsefydlog yn cael eu defnyddio i awdurdodi gorsafoedd daear pyrth a therfynellau defnyddwyr sy’n trosglwyddo traffig drwy loerennau nad ydynt yn ddaearsefydlog sy’n cylchdroi’r Ddaear.

Mae’r trwyddedau hyn yn awdurdodi defnyddio bandiau amledd penodol sy’n cael eu neilltuo i’r gwasanaeth lloeren sefydlog. Mae modd eu defnyddio i ddarparu sawl math o wasanaeth gan gynnwys band eang uniongyrchol i ddefnyddwyr, gwasanaethau band eang i fusnesau, telcos a llywodraethau, a Rhyngrwyd Pethau.

Mae trwydded gorsaf ddaear lloeren nad yw’n ddaearsefydlog yn derm rydym yn ei ddefnyddio i ddisgrifio’r ddwy drwydded ganlynol:

• Lloeren (Gorsaf ddaear nad yw’n ddaearsefydlog): mae’r drwydded hon yn 
  awdurdodi gorsafoedd daear pyrth nad ydynt yn ddaearsefydlog sy’n ganolfannau mawr i gysylltu’r rhwydwaith lloeren â’r rhyngrwyd a/neu rwydweithiau preifat a gwasanaethau cwmwl.
•  Lloeren (Rhwydwaith Gorsaf Ddaear): at ddefnydd nad yw’n ddaearsefydlog. Mae’r drwydded hon yn awdurdodi defnyddio terfynellau defnyddwyr nad ydynt yn ddaearsefydlog, er enghraifft y ddysgl a’r offer sydd wedi’u gosod ar eiddo cwsmer, a rhaid iddynt gael eu dal gan unrhyw weithredwr lloeren sy’n dymuno darparu gwasanaethau yn y DU

Sut mae gwneud cais

Mae ein canllawiau ar drwyddedau gorsafoedd daear lloeren nad ydynt yn 
ddaearsefydlog (PDF, 748.4 KB) yn egluro sut gallwch wneud cais am drwydded. Mae hefyd yn cynnwys ffioedd trwydded, telerau ac amodau.

Defnyddiwch y ffurflen gais trwydded radio lloeren (gorsaf ddaear nad yw’n 
ddaearsefydlog) – OfW564 (PDF, 998.1 KB) i wneud cais am drwydded ar gyfer 
gorsafoedd daear pyrth nad ydynt yn ddaearsefydlog.

Defnyddiwch y ffurflen gais am drwydded radio lloeren (Rhwydwaith Gorsaf Ddaear) – nad yw’n ddaearsefydlog – OfW602 (PDF, 674.0 KB) i wneud cais am drwydded ar gyfer rhwydwaith nad yw’n ddaearsefydlog o derfynellau defnyddwyr.

Sut byddwn yn asesu ceisiadau

Wrth ystyried ceisiadau am y trwyddedau hyn, byddwn yn ystyried eu heffaith ar 
gydfodolaeth dechnegol a chystadleuaeth. Byddwn hefyd yn cyhoeddi ac yn gwahodd sylwadau ar geisiadau rydym yn ystyried eu hawdurdodi.

Fel rydym yn egluro yn ein canllawiau trwydded gorsafoedd daear lloeren nad ydynt yn ddaearsefydlog (PDF, 748.4 KB), bydd disgwyl i ymgeiswyr ddangos sut gall eu porth neu eu rhwydwaith arfaethedig gydfodoli â’r canlynol:

• systemau lloeren presennol nad ydynt yn ddaearsefydlog sydd wedi’u trwyddedu yn y DU (gweler y tabl isod);
•  Systemau lloeren nad ydynt yn ddaearsefydlog y mae cais wedi’i gyflwyno a'i gyhoeddi ar y dudalen hon; a
• gorsafoedd daear amledd uchel penodol eraill sydd wedi’u cofrestru gyda’r ITU.

Trwyddedau presennol

Gallwch lwytho copi o’r ddogfen drwydded i lawr drwy agor y ddolen yn enw’r trwyddedai. Mae’r trwyddedau’n amodol ar delerau'r Llyfryn Amodau Trwydded Cyffredinol - fersiwn OfW 597 (PDF, 236.8 KB).

Derbyn ceisiadau

Rydym yn gwahodd sylwadau ar unrhyw gais rydym wedi’i dderbyn a’i gyhoeddi yn y tablau isod. Mae’r dyddiad cau ar gyfer ymateb wedi’i gynnwys ochr yn ochr â phob cais.

Gallwch gyflwyno sylwadau ar gais drwy ddefnyddio’r ffurflen ymateb.

Byddwn yn cyhoeddi’r holl ymatebion nad ydynt yn gyfrinachol ochr yn ochr â’n penderfyniad terfynol ar bob cais. Gallwch danysgrifio i ddiweddariadau e-bost am sbectrwm (dewis ‘sbectrwm radio’ yn y rhestr o sectorau) i gael gwybod pan fyddwn yn cyhoeddi cais neu benderfyniad newydd.