Gwneud cais am drwydded gorsaf ddaear lloeren nad yw’n ddaearsefydlog (FSS)

Mae trwyddedau gorsafoedd daear lloeren orbit nad ydynt yn ddaearsefydlog (NGOS) yn cael eu defnyddio i awdurdodi gorsafoedd daear sy'n gweithredu fel pyrth a therfynellau defnyddwyr sy’n trosglwyddo traffig drwy loerennau nad ydynt yn ddaearsefydlog sy’n cylchdroi’r Ddaear.

Mae trwyddedau gorsafoedd daear lloeren orbit nad ydynt yn ddaearsefydlog (NGOS) yn cael eu defnyddio i awdurdodi gorsafoedd daear sy'n gweithredu fel pyrth a therfynellau defnyddwyr sy’n trosglwyddo traffig drwy loerennau nad ydynt yn ddaearsefydlog sy’n cylchdroi’r Ddaear.

Mae trwydded gorsaf ddaear lloeren NGSO yn derm rydym yn ei ddefnyddio ar gyfer y ddau fath canlynol o drwydded:

• Trwydded lloeren (rhwydwaith gorsafoedd daear) – at ddefnydd NGSO: mae’n awdurdodi nifer diderfyn o derfynellau defnyddwyr, er enghraifft lloeren, i gysylltu â system lloeren NGSO.
• Trwydded lloeren (gorsaf ddaearol nad yw’n ddaearsefydlog): yn awdurdodi gorsafoedd daear sy’n gweithredu fel pyrth sy’n cysylltu system lloeren NGSO â’r rhyngrwyd neu rwydweithiau preifat.  

Sut i wneud cais

Mae ein canllawiau ar drwyddedau gorsafoedd daear lloeren nad ydynt yn ddaearsefydlog (PDF, 748.4 KB) yn egluro sut gallwch chi wneud cais am drwydded. Mae hefyd yn sôn am ffioedd trwyddedau, telerau ac amodau.

Defnyddiwch y ffurflen gais am drwydded radio lloeren (Rhwydwaith Gorsaf Ddaear) – nad yw’n ddaearsefydlog – OfW602 (PDF, 674.0 KB) i wneud cais am drwydded ar gyfer rhwydwaith nad yw’n ddaearsefydlog o derfynellau defnyddwyr.

Use the ffurflen gais trwydded radio lloeren (gorsaf ddaear nad yw’n ddaearsefydlog) – OfW564 (PDF, 998.1 KB) i wneud cais am drwydded ar gyfer gorsaf daear sy'n gweithredu fel porth nad ydynt yn ddaearsefydlog.

Sut byddwn yn asesu ceisiadau

Wrth ystyried ceisiadau am y trwyddedau hyn, byddwn yn ystyried eu heffaith ar gydfodolaeth dechnegol a chystadleuaeth. Byddwn hefyd yn cyhoeddi ac yn gwahodd sylwadau ar geisiadau rydym yn ystyried eu hawdurdodi.

Bydd disgwyl i ymgeiswyr ddangos sut y gall eu porth neu rwydwaith arfaethedig gydfodoli â’r canlynol:

• systemau lloeren NGSO presennol sydd wedi'u trwyddedu yn y DU (gweler yr adran Trwyddedau Presennol isod);
• systemau lloeren nad ydynt yn ddaearsefydlog lle mae cais wedi’i gyflwyno a’i gyhoeddi ar y dudalen hon; 
• gorsafoedd daear cyd-amledd penodol eraill sydd wedi’u cofrestru gyda’r ITU..

Trwyddedau presennol

Gallwch lwytho copi o ddogfen y drwydded i lawr drwy agor y ddolen yn enw’r trwyddedai. Mae’r trwyddedau’n amodol ar delerau'r Llyfryn Amodau Trwydded Cyffredinol - fersiwn OfW 597 (PDF, 236.8 KB).

Derbyn ceisiadau

Rydym yn gwahodd sylwadau ar unrhyw gais rydym wedi’i dderbyn a’i gyhoeddi isod. Mae’r dyddiad cau ar gyfer ymateb wedi’i gynnwys wrth ymyl pob cais.

Gallwch gyflwyno sylwadau ar gais drwy ddefnyddio'r ffurflen ymateb o bob tudalen ymgynghori.

Byddwn yn cyhoeddi’r holl ymatebion nad ydynt yn gyfrinachol ochr yn ochr â’n penderfyniad terfynol ar bob cais. Gallwch danysgrifio i ddiweddariadau e-bost am sbectrwm (dewiswch ‘sbectrwm radio’ yn y rhestr o sectorau) i gael gwybod pan fyddwn yn cyhoeddi cais neu benderfyniad newydd.