Papur Trafod: Gwneud i farchnadoedd cyfathrebiadau weithio’n dda i gwsmeriaid – fframwaith ar gyfer asesu tegwch

Mae sicrhau tegwch i gwsmeriaid yn flaenoriaeth barhaus i Ofcom ac mae gennym raglen waith i annog darparwyr i roi tegwch wrth galon eu busnesau. Rydym eisiau i bobl gael eu trin yn deg a chael bargen dda gan eu darparwr. Mae ein fframwaith tegwch yn egluro sut rydym yn debygol o asesu pryderon tegwch pan fyddant yn codi a’r mathau o broblemau a allai sbarduno gweithredu gennym ni.

Ym mis Mehefin 2019, fe wnaethom lunio fframwaith tegwch drafft a cheisio barn ar ein dull gweithredu arfaethedig.  Mae'r ddogfen hon yn crynhoi'r prif bwyntiau a godwyd mewn ymateb i'r papur trafod, yn rhoi ein hymateb iddynt ac yn egluro ein fframwaith terfynol.