HERO Latest telecoms and pay-TV complaints revealed (1336 × 560px)

Datgelu’r cwynion diweddaraf am gwmnïau telegyfathrebiadau a theledu-drwy-dalu

Ffonau a band eang Ansawdd gwasanaeth Newyddion a diweddariadau
Cyhoeddwyd: 13 Chwefror 2025

Heddiw, rydym wedi cyhoeddi’r ffigurau diweddaraf am y cwynion a gawsom am y prif wasanaethau ffôn sefydlog, ffôn symudol, band eang a theledu-drwy-dalu yn y DU.

Mae’r ffigurau hyn yn berthnasol i drydydd chwarter 2024, o fis Gorffennaf i fis Medi.

Y Prif Ganfyddiadau

Yn ystod y chwarter hwn, bu gostyngiad bach yn nifer y cwynion a gawsom wrth gymharu â’r chwarter blaenorol (rhwng mis Ebrill a mis Mehefin). Fodd bynnag, roedd lefel gyffredinol cwynion y diwydiant wedi aros yr un fath fwy neu lai.

  • TalkTalk a gynhyrchodd y nifer mwyaf o gwynion am fand eang, gyda mwy o gwynion na’r chwarter blaenorol.
  • Sky oedd y darparwr band eang y cafwyd y nifer lleiaf o gwynion amdano.
  • EE, NOW Broadband a TalkTalk oedd y darparwyr ffôn sefydlog y cafwyd y nifer mwyaf o gwynion amdanynt. Er bod EE a NOW Broadband wedi gweld gostyngiad yn nifer y cwynion, roedd cynnydd yn nifer y cwynion am TalkTalk o’i gymharu â’r chwarter blaenorol.
  • Utility Warehouse oedd y darparwr llinell dir y cafwyd y nifer lleiaf o gwynion amdano.
  • O2 oedd y darparwr gwasanaeth symudol y cafwyd y nifer mwyaf o gwynion amdano unwaith eto. Roedd cwynion cwsmeriaid yn ymwneud yn bennaf â’r ffordd yr ymdriniwyd â’u cwynion.
  • EE, Sky Mobile a Tesco Mobile oedd y darparwyr ffonau symudol y cafwyd y nifer lleiaf o gwynion amdanynt.
  • EE a Virgin Media oedd y darparwyr teledu-drwy-dalu y cafwyd y nifer mwyaf o gwynion amdanynt.
  • Sky a TalkTalk oedd y darparwyr teledu-drwy-dalu y cafwyd y nifer lleiaf o gwynion amdanynt.

Dywedodd llefarydd ar ran Ofcom:

Mae'n gadarnhaol gweld gostyngiad bach yn nifer y cwynion ar gyfer y chwarter hwn, ac rydym yn awyddus i weld gostyngiadau pellach yn y dyfodol. Fodd bynnag, gallwn weld mai prif achosion cwynion ar gyfer y chwarter hwn oedd delio â chwynion, a namau gyda gwasanaethau neu sicrhau bod cwsmeriaid yn cael eu cysylltu. Mae'r rhain yn agweddau sylfaenol ar wasanaeth i gwsmeriaid a byddem yn disgwyl i ddarparwyr ddelio â nhw’n well er mwyn lleihau anfodlonrwydd a chwynion cwsmeriaid. Rydym yn gobeithio gweld gwelliant yn y maes hwn.

Pam rydym yn casglu’r data hwn

Fel rheoleiddiwr cyfathrebiadau’r DU, rydym yn casglu’r data cwynion hwn er mwyn i ni allu deall yn well y rhesymau dros anfodlonrwydd ymysg cwsmeriaid yn y sectorau rydym yn eu rheoleiddio. Er nad ydym yn delio â chwynion unigol, mae casglu’r data hwn yn helpu defnyddwyr i ddod o hyd i’r darparwyr gorau ar gyfer eu hanghenion o ran telegyfathrebiadau a theledu-drwy-dalu.

Mae’r siartiau isod yn dangos nifer cymharol y cwynion rydym wedi’u cael am wasanaethau band eang, ffonau sefydlog, ffonau symudol talu’n fisol, a theledu-drwy-dalu. 

Band eang sefydlog

Llinell dir

Symudol talu'n fisol

Teledu-drwy-dalu

Dogfennau cysylltiedig

Adroddiad: Cwynion am wasanaethau band eang, llinell dir, symudol a theledu-drwy-dalu

Fel rheoleiddiwr cyfathrebiadau’r DU, mae Ofcom yn cael cwynion gan gwsmeriaid am eu gwasanaethau llinell dir, band eang sefydlog, ffôn symudol talu’n fisol, a theledu drwy dalu.

Defnyddwyr i allu uwchgyfeirio cwynion telegyfathrebiadau er mwyn datrys anghydfodau yn gynt, o dan gynlluniau Ofcom

Dim ond chwe wythnos, yn hytrach nag wyth wythnos, y byddai’n rhaid i ddefnyddwyr aros cyn gallu uwchgyfeirio eu cwynion telegyfathrebiadau heb eu datrys i gynllun dulliau amgen o ddatrys anghydfod, o dan gynlluniau a gyflwynwyd gan Ofcom heddiw.

Dangos y rhifau: Datgelu'r gwasanaeth cwsmeriaid gorau a gwaethaf gan gwmnïau telathrebu

Customers can today find out which phone and broadband providers take the longest to answer their calls, as Ofcom publishes its latest report into customer service levels across the telecoms industry.

Yn ôl i'r brig